ৰাজ্যৰ পাঁচ সমষ্টিৰ উপ-নিৰ্বাচনৰ ফলাফলক লৈ বিহপুৰীয়া বিধান সভা সমষ্টিৰ বিধায়ক ড০ অমিয় কুমাৰ ভূঞাৰ লগতে সমষ্টিটোৰ কাৰ্যকৰ্তাসকল উৎফুল্লিত হৈ পৰিছে। নেতৃত্ব, দল আৰু পাঁচমহীয়া কামৰ প্ৰতি আকৃষ্ট হৈ ৰাইজে বিজেপি মিত্ৰজোঁটৰ সপক্ষে ৰায়দান দিছে বুলি সংবাদ মাধ্যমৰ আগত প্ৰকাশ কৰাৰ লগতে বিধায়কগৰাকীয়ে সমষ্টিটোৰ প্ৰাক্তন বিধায়ক তথা অসম প্ৰদেশ কংগ্ৰেছৰ সভাপতি ভূপেন বৰাক ৰাজনীতিৰ পৰা সন্ন্যাস লোৱাৰ বিকল্প আৰু নাই বুলি অৱগত কৰে ৷ ইয়াৰ উপৰি বিধায়কজনে ভূপেন বৰাক বিহপুৰীয়াৰ ৰাইজে প্ৰত্যাখ্যান কৰিছে বুলিও কয়। বিহপুৰীয়াৰ ৰাইজে প্ৰত্যাখ্যান কৰাজনে অসমৰ ৰাইজৰ ওচৰত দম্ভালী মাৰিব গৈছিল বুলি তীৰ্যক মন্তব্য আগবঢ়ায় ড০ ভূঞাই ৷
