প্ৰকৃতি সংৰক্ষণৰ ক্ষেত্ৰত ভাৰতৰ আন এক আশাৰ খবৰ, ৪টা চিতা বাঘৰ পোৱালিৰ জন্মৰে ভাৰতত ৬২টালৈ বৃদ্ধি চিতাবাঘৰ সংখ্যা

ভাৰতত চিতাবাঘৰ সংখ্যা পুনৰুদ্ধাৰৰ প্ৰচেষ্টাত সংযোজিত হ’ল আন এক আশাৰ খবৰ। বটছোৱানাৰ পৰা ভাৰতলৈ অনা আঢ়ৈ বছৰীয়া মাইকী চিতাবাঘ KOMG 3-এ আজি বন্য পৰিৱেশত চাৰিটা সুস্থ পোৱালিৰ জন্ম দিয়ে। এই সুখবৰক ভাৰতৰ ‘প্ৰজেক্ট চিতা’ৰ বাবে এক উল্লেখযোগ্য সফলতা হিচাপে বিবেচনা কৰা হৈছে।

উল্লেখযোগ্য যে, বটছোৱানাৰ পৰা অনা মাইকী চিতাবাঘে ভাৰতত প্ৰথমবাৰৰ বাবে পোৱালি জন্ম দিছে। বিগত ৪ মাহতকৈ অধিক সময় বন্য পৰিৱেশত কটোৱাৰ পিছত KOMG 3-এ স্বাভাৱিক পৰিৱেশতে পোৱালি জন্ম দিয়ে।

২০২২ চনত ভাৰতত চিতা পুনৰ সংস্থাপন কাৰ্যসূচী আৰম্ভ হোৱাৰ পিছত বন্য পৰিৱেশত পোৱালি জন্মৰ এয়া দ্বিতীয়টো নথিভুক্ত ঘটনা।

নতুনকৈ জন্ম হোৱা ৪টা পোৱালিকে ধৰি ভাৰতত বৰ্তমান চিতাবাঘৰ সংখ্যা ৬২টালৈ বৃদ্ধি পাইছে। ইয়াৰে ৪৩টা ভাৰততে জন্মগ্ৰহণ কৰা চিতা।

প্ৰকৃতি সংৰক্ষণ আৰু বন্যপ্ৰাণীৰ পুনৰুদ্ধাৰৰ ক্ষেত্ৰত এই সফলতাই নতুন আশাৰ সঞ্চাৰ কৰিছে। বিশেষকৈ ভাৰতত চিতাৰ এক সুস্থিৰ আৰু স্বাৱলম্বী জনসংখ্যা গঢ়ি তোলাৰ লক্ষ্যত এই নতুন সংযোজনে গুৰুত্বপূৰ্ণ ভূমিকা পালন কৰিব বুলি আশা কৰা হৈছে।

এই সফলতাৰ আঁৰত আছে প্ৰজেক্ট চিতাৰ সৈতে জড়িত বিষয়া-কৰ্মচাৰী, পশু চিকিৎসক, বন বিভাগৰ ক্ষেত্ৰকৰ্মী আৰু সংশ্লিষ্ট সকলোৰে নিৰন্তৰ প্ৰচেষ্টা, নিষ্ঠা আৰু কঠোৰ পৰিশ্ৰম। প্ৰকৃতিৰ ভাৰসাম্য ৰক্ষা আৰু বিপন্ন বন্যপ্ৰাণীৰ সংৰক্ষণৰ দিশত এয়া ভাৰতৰ বাবে এক আশাব্যঞ্জক অধ্যায়।

NKTV Digital
Author: NKTV Digital

Popular

More like this
Related

মূৰৰ দাম আছিল ৫০ হাজাৰ টকা! দাউদ ইব্ৰাহিমৰ ঘনিষ্ঠ গেংষ্টাৰ নাছিম দুৰাণী বুলন্দশ্বহৰত আৰক্ষীৰ এনকাউণ্টাৰত নিহত

দিল্লীত মন্ত্ৰীৰ কাৰ্যালয়ৰ সন্মুখত যুৱকক গুলীয়াই হত্যা কৰাৰ ঘটনাতো...

তেজপুৰ কেন্দ্ৰীয় কাৰাগাৰত হাজোতীৰ ৰহস্যজনক মৃত্যু

তেজপুৰ কেন্দ্ৰীয় কাৰাগাৰত কাৰাবন্দী অৱস্থাত থকা এগৰাকী হাজোতীৰ ৰহস্যজনক...

প্ৰতিৰক্ষা সহযোগিতা অধিক শক্তিশালী কৰাৰ লক্ষ্যৰে অহা বৰ্ষৰ পৰা ভাৰতীয় ফায়াৰিং ৰেঞ্জত জাপানে পৰীক্ষা কৰিব নিজা মিছাইল

টকিঅ’ত বৃহস্পতিবাৰে অনুষ্ঠিত ভাৰত-জাপানৰ দ্বিপাক্ষিক মন্ত্ৰী পৰ্যায়ৰ বৈঠকৰ পিছতে...