গুৱাহাটীত প্ৰকৃততে হৈছে কি? এগৰাকীৰ পিছত আনগৰাকী যুৱতীৰ মৃতদেহ উদ্ধাৰৰ চাঞ্চল্য মাৰ নৌযাওঁতেই এইবাৰ উদ্ধাৰ হৈছে ছাত্ৰৰ মৃতদেহ। ৰহস্যজনক অৱস্থাত উদ্ধাৰ দেৰগাঁৱৰ কাকডোঙাৰ মেধাৱী ছাত্ৰ অনিমেষ বৰাৰ মৃতদেহ। গুৱাহাটীৰ আৰ্যভট্ট বিদ্যাপীঠ মহাবিদ্যালয়ৰ প্ৰথম বৰ্ষৰ ছাত্র আছিল অনিমেশ।
উল্লেখ্য যে বিহুৰ আগত ঘৰলৈ গৈ চৰকাৰে প্ৰদান কৰা স্কুটি লৈ গুৱাহাটীলৈ আহিছিল ছাত্ৰজন। কিন্তু স্কুটী পোৱাৰ সেই আনন্দ বেছি দিন নাথাকিল। ৰহস্যজনক অৱস্থাত ভাৰাঘৰত উদ্ধাৰ হ’ল অনিমেষৰ মৃতদেহ। আনফালে অনিমেষ বৰাৰ মৃত্যু পৰিকল্পিত হত্যা বুলি সন্দেহ পৰিয়ালৰ লোকৰ।
