দিল্লী আৰক্ষীত মুঠ ৪৯০ জন অসমীয়া আৰু উত্তৰ-পূৰ্বাঞ্চলৰ যুৱক-যুৱতীক নিয়োগ কৰা হৈছে। ২০১৬ চনৰ পৰা ২০১৮ চনৰ ভিতৰত এইসকল আৰক্ষী জোৱানক নিযুক্তি দিছে চৰকাৰে। স্পেচিয়েল ৰিক্ৰুটমেণ্ট ড্ৰাইভৰ সহায়ত দিল্লী আৰক্ষীত নিয়োজিত কৰা হৈছে যোগ্য যুৱকসকলক।
ৰাজ্যসভাত এই কথা প্ৰকাশ কৰে কেন্দ্ৰীয় গৃহ মন্ত্ৰণালয়ে। কেন্দ্ৰীয় গৃহ ৰাজ্য মন্ত্ৰী নিত্যানন্দ ৰায়ে এক প্ৰশ্নৰ লিখিত উত্তৰত এই কথা সদৰি কৰে। উত্তৰ-পূৰ্বাঞ্চলৰ আটাইকেইখন ৰাজ্যৰ যুৱক-যুৱতীক কনিষ্টবল(এক্সিকিউটিভ) পদত নিযুক্তি দিয়া হৈছে। বিশেষ নিযুক্তিৰ জৰিয়তে নিযুক্তি লাভ কৰিছে এইসকল অসমীয়া আৰু উঃ-পূৰ্বাঞ্চলৰ যুৱকক।
