তামুলপুৰ জিলাৰ কুমাৰীকাটা ৰেঞ্জৰ অন্তৰ্গত হাতীডুবাত SSB আৰু বন বিভাগৰ অভিযান ৷ অভিযানত চেগুন কাঠৰ কুণ্ডাসহ এখন মহেন্দ্ৰ পিক আপ ভেন জব্দ কৰিবলৈ সক্ষম হয় ৷ জব্দকৃত মহেন্দ্ৰ পিক আপ ভেনখনৰ নং AS 01 GC 2446৷ জব্দ কৰা কাঠখিনিৰ মূল্য ডেৰ লক্ষাধিক টকা ৷ পুৱতি নিশা ভাৰত-ভূটান সীমান্তৰ ৬৪ নং কোম্পানীৰ পাটকিজুলিস্থিত SSBৰ জোৱান আৰু কুমাৰীকাটা ৰেঞ্জৰ বিষয়া-কৰ্মচাৰীসকলে গোপন খবৰ লাভ কৰি অভিযান চলাইছিল ৷
হাতীডুবা অঞ্চলত মহেন্দ্ৰ পিক আপ ভেনত চেগুন কাঠৰ কুণ্ডা গাড়ীখনত তুলি থাকোঁতে ধৰিবলৈ সক্ষম হয় বন বিভাগে ৷ ইপিনে SSB আৰু বন বিভাগৰ আগমনৰ খবৰ লাভ কৰি সেই ঠাইৰ পৰা চালকসহ আন লোকে পলায়ন কৰে ৷
