জাগীৰোডৰ কনাবৰীত শোকাৱহ ঘটনা। পিতৃ-মাতৃ ঘৰত নথকা অৱস্থাত জীৱনৰ চৰম সিদ্ধান্ত ললে ছাত্ৰই। চিপ লোৱা অৱস্থাত শোৱনি কোঠাত উদ্ধাৰ ছাত্ৰৰ মৃতদেহ। মৃত যুৱকজন নান্টু মজুমদাৰৰ কনিষ্ঠ পুত্ৰ ৰাজদ্বীপ মজুমদাৰ। পৰিয়ালৰ লোকে জনোৱা অনুসৰি পুৱা বহু দেৰিলৈকে শোৱনি কোঠাৰ দুৱাৰ নোখোলাত পৰিয়ালৰ লোকৰ সন্দেহ ওপজে। কেইবাবাৰো মতাত কোনো সঁহাৰি নাপাই দুৱাৰ ভাঙি কোঠাত প্ৰৱেশ কৰাত চিপ লৈ ওলমি থকা অৱস্থাত প্ৰত্যক্ষ কৰে ছাত্ৰজনক। পৰৱৰ্তী পৰ্যায়ত জাগীৰোড আৰক্ষী উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ ব্যৱস্থা কৰে। কি কাৰণত ছাত্ৰজনে নিজকে শেষ কৰি পেলালে তাকে লৈ আচম্বিত হৈ পৰিছে চুবুৰীয়া।
