শিক্ষাগুৰুৰ পিছত এইবাৰ অংগনবাড়ী কৰ্মীৰ ‘বিদ্ৰোহ’, প্ৰাপ্যৰ দাবীত শদিয়াৰ পৰা ধুবুৰীলৈ উত্তাল প্ৰতিবাদ

ৰাজ্যজুৰি টেট শিক্ষকৰ প্ৰতিবাদৰ মাজতে এইবাৰ অঙ্গনৱাড়ী কৰ্মীৰ প্ৰতিবাদী কাৰ্যসূচী৷ অসমৰ বিভিন্ন প্ৰান্তৰ লগতে দক্ষিণ কামৰূপৰ গৰৈমাৰীত অঙ্গনৱাড়ী কৰ্মীৰ প্ৰতিবাদ৷ দক্ষিণ কামৰূপৰ গৰৈমাৰী সংহত শিশু উন্নয়ন প্ৰকল্পৰ কাৰ্যালয়ৰ সন্মুখত শতাধিক কৰ্মী-সহায়িকাৰ এই প্ৰতিবাদী কাৰ্যসূচী৷ কেইবাটাও দাবীৰে সাব্যস্ত কৰিছে প্ৰতিবাদ। কৰ’না কালৰ পৰা বৰ্তমানলৈ নিজৰ জীৱনক তুচ্ছ কৰি বহু কষ্টৰে দায়িত্ব পালন কৰি আছে৷ কিন্তু এইসকল কৰ্মী-সহায়িকাক উপযুক্ত মাননি অথবা মৰ্যাদা প্ৰদান কৰাৰ পৰা ব্যৰ্থ হৈছে সমাজ কল্যাণ বিভাগ৷ যাৰ বাবে প্ৰাপ্য দাবীৰ সমৰ্থনত মুখ্যমন্ত্ৰীলৈ এখন স্মাৰক পত্ৰ প্ৰেৰণ কৰে৷ অঙ্গনৱাড়ী কৰ্মী-সহায়িকাক মাননিৰ সলনি মজুৰি প্ৰদান কৰা, মাহেকত কমেও ২১ হাজাৰ টকা মজুৰি দিয়া, চাকৰি নিয়মীয়াকৰণ, মিনি কেন্দ্ৰসমূহ পুৰ্নাঙ্গ কেন্দ্ৰলৈ ৰূপান্তৰ কৰা, অৱসৰৰ সময়ত এককালীন সাহায্য প্ৰদান কৰাৰ দাবী৷