ৰাজ্যত অব্যাহত আছে চোৰাং গৰুৰ সৰবৰাহ। এইবাৰ লখিমপুৰ জিলাৰ লালুকত চলিল অভিযান। লালুক আৰক্ষীয়ে কৰায়ত্ত কৰিছে দুখনকৈ গৰু ভৰ্তি ট্ৰাক। এখনত ২৩ টা আৰু আনখনত ২৬টা গৰু সৰবৰাহ কৰিছিল। লালুকৰ মাজেৰে নগাঁও আৰু গুৱাহাটী অভিমুখে গৈ থকা অৱস্থাত ৫টা অবৈধভাবে গৰু সৰহবৰাহকাৰীসহ ৪৯টা গৰু জব্দ কৰে লালুক আৰক্ষীয়ে। উল্লেখযোগ্য যে, কিছুদিন পূৰ্বে দুজনকৈ অবৈধ গৰু সৰহবৰাহকাৰীক এনকাউণ্টাৰ কৰিছিল ধলপুৰ আৰক্ষীয়ে ৷ ইয়াৰ পিছতো অন্ত পৰা নাই অবৈধ গৰুৰ ৰমৰমীয়া বেহা। এখন গাড়ী গোগামুখৰ পৰা আৰু আনখন নাওবৈচাৰ বঙালমৰাৰ পৰা অহা বুলি সদৰি কৰে আৰক্ষীয়ে।
