অপৰাধৰ ৰম্যভূমিলৈ পৰিণত হৈছে লামডিং ৰে’লৱে ষ্টেচন৷ ৰে’লযোগে দৈনিক সৰবৰাহ হৈছে নিষিদ্ধ ড্ৰাগছ গাঞ্জাকে ধৰি নিচাজাতীয় দ্ৰব্য৷ লামডিং RPF আৰু RPFৰ CIB দলে ৰে’লৰ পৰা জব্দ কৰে প্ৰায় ৪৮ কেজি গাঞ্জা৷ লামডিং ৰে’লৱে ষ্টেচনত অবধ আছাম ৰে’লখনৰ পৰা RPF-এ অভিযান চলাই ১০ কেজি গাঞ্জা জব্দ কৰাৰ লগতে একে সময়তে কাঞ্চনজংঘা ৰে’লখনৰ পৰা ৩৮ কেজি গাঞ্জা জব্দ কৰে৷ দুয়োখন ৰে’লত জব্দ হোৱা এই বৃহৎ পৰিমাণৰ গাঞ্জাখিনি সৰবৰাহ কৰা কোনো লোককে আটক কৰিবলৈ সক্ষম হোৱা নাই৷ লামডিঙত জব্দ কৰা গাঞ্জাখিনৰ বজাৰ মূল্য প্ৰায় ৪ লাখ ৮০ হাজাৰ টকা৷
