আফগানিস্তানত তালিবানৰ হাতত ভাৰতত নিৰ্মিত INSAS 1B1 assault rifle দেখা যোৱাৰ দাবীক লৈ অনলাইনত ইতিয়া চৰ্চা চলিছে। ইণ্টাৰনেটত প্ৰকাশ পোৱা ভিডিঅ’ আৰু ছবিৰ ভিত্তিত অস্ত্ৰবিধক ভাৰতীয় INSAS 1B1 ৰাইফল বুলি চিনাক্ত কৰাৰ চেষ্টা কৰা হৈছে।
প্ৰকাশিত তথ্য অনুসৰি, ভিডিঅ’ত দেখা ৰাইফলটোৰ গঠন আৰু translucent polymer magazine-ৰ সৈতে ভাৰতীয় INSAS ৰাইফলৰ সাদৃশ্য আছে। INSAS 1B1 হৈছে পূৰ্বৰ INSAS ৰাইফলৰ উন্নীত সংস্কৰণ, যিটো ২০০১ চনৰ পিছত ভাৰতীয় সেনাত ব্যৱহাৰ কৰা হৈছিল।
কিন্তু তালিবানৰ হাতলৈ এই ৰাইফল কেনেকৈ গ’ল, সেই সন্দৰ্ভত এতিয়ালৈকে কোনো চৰকাৰী তথ্য বা নথি প্ৰকাশ পোৱা নাই। ভাৰতীয় ৰাইফল বিধ আফগানিস্তানলৈ চৰকাৰীভাৱে যোগান ধৰা হৈছিল নে কোনো পৰিস্থিতিত অস্ত্ৰবিধ অন্য কোনো উৎসৰ পৰা তালিবানৰ হাতত পৰিল, সেয়াও স্পষ্ট নহয়।
বিশ্লেষণ অনুসৰি, অস্ত্ৰবিধ কোনো সময়ত ভাৰতীয় সামৰিক মজুতৰ পৰা চুৰি বা অবৈধভাৱে বিক্ৰী হোৱা, অথবা সংঘাতৰ সময়ত অন্য কোনো পক্ষৰ হাতলৈ যোৱাৰ সম্ভাৱনাও উলাই কৰিব নোৱাৰি। আনহাতে, জম্মু-কাশ্মীৰত উগ্ৰপন্থীৰ হাতত পৰা ভাৰতত নিৰ্মিত অস্ত্ৰ কোনো ধৰণে আফগানিস্তানলৈ সৰবৰাহ হোৱাৰ সম্ভাৱনাৰ কথাও অনলাইনত উত্থাপন হৈছে। অৱশ্যে এই সম্ভাৱনাসমূহৰ কোনো এটাৰেই বৰ্তমানলৈকে চৰকাৰী প্ৰমাণ নাই।
উল্লেখযোগ্য যে, কেৱল কোনো ভিডিঅ’ বা ছবিত ভাৰতীয় নিৰ্মিত অস্ত্ৰ দেখা যোৱাৰ ভিত্তিত অস্ত্ৰবিধ ভাৰত চৰকাৰে তালিবানক যোগান ধৰিছিল বুলি সিদ্ধান্ত ল’ব নোৱাৰি। ৰাইফলটোৰ serial number আৰু অস্ত্ৰটোৰ পূৰ্বৰ মালিকানা সম্পৰ্কীয় তথ্য পৰীক্ষা কৰিলেহে ইয়াৰ প্ৰকৃত উৎস নিৰ্ধাৰণ কৰিব পৰা যাব।
সেয়ে, তালিবানৰ হাতত INSAS 1B1 ৰাইফল থকাৰ দাবী বৰ্তমান অনলাইনত চলি থকা এক জল্পনা- কল্পনা মাত্ৰ। বিষয়টো এতিয়াও চৰকাৰীভাৱে নিশ্চিত হোৱা নাই আৰু দাবীটোৰ স্বাধীন বা চৰকাৰী সত্যতা নিৰূপণ হোৱা নাই।
