ৰাজ্যত পুনৰ ভু-লুণ্ঠিত হ’ল মানৱতা। এইবাৰৰ ঘটনা যোৰহাটৰ। যোৰহাটৰ ককিলা মুখত মানৱ সমাজক লজ্জানত কৰা ঘটনা। মথাউৰিৰ কাষত হাবিত উদ্ধাৰ হৈছে এটি নৱজাতকৰ মৃতদেহ। পলিথিনেৰে মেৰিয়াই থোৱা অৱস্থাত মৃতদেহটো প্ৰত্যক্ষ কৰে স্থানীয় ৰাইজে। নৱজাতকটিৰ হাতত যোৰহাট মেডিকেল কলেজৰ ষ্টিকাৰ পোৱা গৈছে। য’ত পিতৃৰ নাম অনিল পেগু আৰু মাতৃৰ নাম জোন্তী পেগু বুলি উল্লেখ আছে। শিশুটি হত্যা কৰি পেলাই থৈ যোৱাৰ সন্দেহ কৰিছে স্থানীয় লোকে। ১২ ফ্ৰেব্ৰুৱাৰীত শিশুটিৰ জন্ম হোৱাৰ তথ্য লাভ কৰা হৈছে। ইতিমধ্যে শিশুটিৰ মৃতদেহ যোৰহাট মেডিকেল কলেজলৈ প্ৰেৰণ কৰি আৰক্ষীয়ে আৰম্ভ কৰিছে তদন্ত।
