গুটখাৰ বাবেই… এগৰাকী মহিলাক গুৰুলা গুৰুলকৈ প্ৰহাৰ

এইবাৰ গুটখাক কেন্দ্ৰ কৰিয়েই সংঘটিত হৈছে এক চাঞ্চল্যকৰ ঘটনা। এটা গুটখাৰ পেকেটৰ বাবেই প্ৰথমে তৰ্ক-বিতৰ্ক, পাছত গুৰুলা গুৰুলকৈ প্ৰহাৰ কৰিলে এগৰাকী মহিলাক। ঘটনা যোৰহাটৰ পুলিবৰ ৰৌমাৰী গাঁৱৰ। খবৰ অনুসৰি বুধবাৰে নিশা গাঁওখনৰ ভাওনাৰ আখৰাস্থলীত এটা শিখৰৰ পেকেটক কেন্দ্ৰ কৰি দুজন যুৱকৰ মাজত আৰম্ভ হৈছিল তৰ্ক-বিতৰ্কৰ। তৰ্ক-বিতৰ্কৰ মাজতে এগৰাকী মহিলাই কাজিয়া এৰুৱাবলৈ লওঁতেই ঘটিল ভয়ংকৰ ঘটনা। পদ্ম হাজৰিকা ওৰফে কাৰ্তিক নামৰ এজন যুৱকে লোহাৰে আক্ৰমণ কৰিলে মহিলাগৰাকীক। বৰ্তমান JMCHৰ বিচনাত জীৱন-মৃত্যুৰে যুঁজিছে গুৰুতৰভাৱে আহত মহিলাগৰাকীয়ে। ঘটনা সন্দৰ্ভত অভিযুক্ত পদ্ম হাজৰিকা ওৰফে কাৰ্তিকৰ বিৰুদ্ধে পুলিবৰ থানাত গোচৰ তৰিচে মহিলাগৰাকীৰ পৰিয়ালে। বৰ্তমান পুলিবৰ আৰক্ষীয়ে কাৰ্তিকক বিচাৰি অব্যাহত ৰাখিছে অভিযান।