ব্ৰাহ্মণ সমাজক কৰা অপমানৰ বিৰুদ্ধে জাঙুৰ খাই উঠিছে বিজেপি নেতা গজেন্দ্ৰ ঝা। বিহাৰৰ প্ৰাক্তন মুখ্যমন্ত্ৰী জীতেনৰাম মাঝিয়ে ব্ৰাহ্মণ সমাজক লৈ বিতৰ্কিত মন্তব্য কৰাৰ পিছতে গৰজি উঠিছে বিজেপি নেতাজন। জীতেনৰাম মাঝিৰ জিভা কাটিব পৰাজনক ১১ লাখ টকাৰ পুৰষ্কাৰ ঘোষণা কৰিছে বিজেপি নেতাজনে।
বিজেপি নেতা গজেন্দ্ৰ ঝাৰ ঘোষণাৰ পাছতেই তুংগত উঠিছে বাকযুদ্ধ। জীতেনৰাম মাঝিৰ হিন্দুস্তানী আৱাম মৰ্চা আৰু ভাৰতীয় জনতা পাৰ্টীৰ মাজত বাঢ়িছে মুখচুপতি। হিন্দুস্তানী আৱাম মৰ্চাৰ নেতাই গজেন্দ্ৰ ঝাক সকীয়নি দিয়াৰ বিপৰীতে বিজেপি নেতাই হিন্দুস্তানী আৱাম মৰ্চাক সীমা চেৰাই কথা নকবলৈ সকীয়নি দিছে।
অৱশ্যে ব্ৰাহ্মণ সমাজক লৈ কৰা অপমানসূচক মন্তব্যৰ বাবে ইতিমধ্যে ক্ষমা বিচাৰিছে বিহাৰৰ প্ৰাক্তন মুখ্যমন্ত্ৰীজনে। ক্ষমাভিক্ষাৰ পিছত এইবাৰ ওলোটাখৰ বিজেপি নেতাৰ। ৰাজহুৱাভাবে ক্ষমা বিচৰাৰ পিছতো বিজেপি নেতা গজেন্দ্ৰ ঝাই আজৱ ঘোষণা কৰাক লৈ উত্তাল হৈ পৰিছে বিহাৰৰ ৰাজনীতি। ২০১৪-২০১৫ত নীতিশ কুমাৰৰ পদত্যাগৰ পিছত বিহাৰৰ কাৰ্যভাৰ চম্ভালিছিল জীতেনৰাম মাঝিয়ে।
