ছিকিমত ছখনলৈ বৃদ্ধি পালে জিলাৰ সংখ্য়া। ছিকিম পুনৰ জিলা আইন ২০২১ অনুসৰি নতুনকৈ দুখন জিলা গঠন কৰা হৈছে। বৰ্তমানৰ পূব আৰু পশ্চিম ছিকিম জিলাৰ পৰা পৃথক কৰি নতুনকৈ দুখন জিলা গঠিত হৈছে। নতুনকৈ গঠন কৰা জিলা দুখন হৈছে পাকিয়ং আৰু চোৰেং।
ইয়াৰ বিপৰীতে বৰ্তমানৰ ৪খন জিলাৰ নামো সলনি কৰা হৈছে। উত্তৰ ছিকিমক মংগন, পশ্চিম ছিকিমক গিয়ালছিং, পূব ছিকিমক গেংটক আৰু দক্ষিণ ছিকিমক নামচী জিলা ৰূপে নাম দিয়া হৈছে।
ইয়াৰ পূৰ্বে দশম বিধানসভাৰ পঞ্চম অধিৱেশনৰ তৃতীয় আৰু অন্তিম দিনা ছিকিম বিধান সভাই বৰ্তমানৰ পূব আৰু পশ্চিম ছিকিম জিলাৰ পৰা নিৰ্মাণ কৰা দুখন নতুন জিলা পাকিয়ং আৰু চোৰেং গঠনৰ বাবে অনুমোদন জনায়।
