তেজপুৰত নিৰাপত্তা ব্যৱস্থাৰ ফোঁপোলাস্বৰূপ উদঙালে অপৰাধীয়ে। তেজপুৰ কাৰগাৰৰ পৰা পলায়ন কৰা অপৰাধী পলাল এইবাৰ আৰক্ষীৰ জিম্মাৰ পৰাই। ১৭ মাৰ্চত জে’লৰ পৰা পলায়ন কৰিছিল জেহেৰুল ইছলাম, তুলেশ্বৰ তাঁতী, ইন্দ্ৰেশ্বৰ মণ্ডলে। কাৰাগাৰৰ কঠোৰ নিৰাপত্তাৰ মাজতো পলায়ন কৰিছিল ৩ অপৰাধীয়ে। দুদিন পূৰ্বে আৰক্ষীৰ ওৰচত আত্মসমৰ্পণ কৰিছিল ভেৰগাঁৱৰ নিৱাসী জেহেৰুলে। ন্যায়িক আদালতে ৩ দিনৰ আৰক্ষীৰ জিম্মালৈ প্ৰেৰণ কৰিছিল জেহেৰুলক। আৰক্ষীৰ জিম্মাৰ পৰাই আজি বিয়লি ২বজাত পলায়ন জেহেৰুলৰ। প্ৰস্ৰাৱ কৰিবলৈ যোৱাৰ চলেৰে থানাৰ চৌহদৰ পৰা পলায়ন অপৰাধীৰ।
