ৰয়েল গ্ল’বেল ইউনিভাৰ্চিটীত নিশা উত্তপ্ত পৰিস্থিতি। এজন বেডমিণ্টন প্ৰশিক্ষকৰ বিৰুদ্ধে এগৰাকী ছাত্ৰীক নিৰ্যাতনৰ অভিযোগক লৈ সৃষ্টি হয় এই পৰিস্থিতিৰ। শিক্ষানুষ্ঠানখনত চলি থকা বেডিমিণ্টনৰ প্ৰশিক্ষণ শিবিৰত প্ৰশিক্ষণ দিবলৈ অহা এজন প্ৰশিক্ষকৰ বিৰুদ্ধে উত্থাপিত হৈছে এই অভিযোগ। এই ঘটনাক গাপ দিয়াৰ চেষ্টা চলায় শিক্ষানুষ্ঠানখনে। ঘটনাৰ পিছতে আৰক্ষী উপস্থিত হয় যদিও ৰুজু কৰা নহয় কোনো গোচৰ। আৰক্ষীকো মেনেজ কৰাৰ অভিযোগ উত্থাপিত হৈছে শিক্ষানুষ্ঠানৰ বিৰুদ্ধে। ইয়াৰ পিছতে ক্ষমা বিচাৰি প্ৰশিক্ষকজনে শিক্ষানুষ্ঠান কৰ্তৃপক্ষলৈ এক পত্ৰ প্ৰেৰণ কৰে।
