হায়দৰাবাদৰ ৰিয়েল ইষ্টেট খণ্ডত সৃষ্টি হৈছে নতুন অভিলেখ। তেলেংগানা ইণ্ডাষ্ট্ৰিয়েল ইনফ্ৰাষ্ট্ৰাকচাৰ কৰ্প’ৰেচন (TGIIC)-ৰ শেহতীয়া নিলামত ৰেইডুৰ্গৰ ৫.৩৮ একৰ ভূমি ১,৪৪৭.২২ কোটি টকাত বিক্ৰী হয়। অৰ্থাৎ প্ৰতি একৰ ভূমিৰ মূল্য হৈছে প্ৰায় ২৬৯ কোটি টকা।
শুকুৰবাৰে অনুষ্ঠিত এই নিলামত Vamsiram Builders-এ সফল নিবিদা লাভ কৰে। এই মূল্য ৰেইডুৰ্গত এতিয়ালৈকে ভূমি নিলামত লাভ কৰা সৰ্বাধিক আৰু হায়দৰাবাদৰ বাবেও এক নতুন বেঞ্চমাৰ্ক হিচাপে বিবেচিত হৈছে। শেহতীয়া নিবিদাখন সংৰক্ষিত মূল্যতকৈ ৫২.৩ শতাংশ অধিক আছিল।
ইয়াৰ পূৰ্বে এসপ্তাহ আগতে ৰেইডুৰ্গৰ Plot P1 ১,৩৮৬ কোটি টকাত বিক্ৰী হৈছিল। দুয়োটা নিলামত মুঠ ১০.৬৩ একৰ ভূমিৰ পৰা TGIIC-এ ২,৮৩৩.২২ কোটি টকা সংগ্ৰহ কৰে। প্ৰতি একৰত গড় মূল্য হয় প্ৰায় ২৬৬.৫৩ কোটি টকা।
TGIICৰ উপাধ্যক্ষ তথা পৰিচালন সঞ্চালক কে. শশাংকৰ মতে, এই অভূতপূৰ্ব মূল্যই ৰেইডুৰ্গ কৰিড’ৰৰ প্ৰতি বিনিয়োগকাৰীৰ আস্থা আৰু হায়দৰাবাদৰ ব্যৱসায়িক সম্ভাৱনাক প্ৰতিফলিত কৰিছে।
