ক’ত হেৰাল মানকাচৰৰ তিনি শিশু? শিশুৰ নিৰুদ্দেশক লৈ চাঞ্চল্য

মানকাচৰত সংঘটিত হৈছে এক চাঞ্চল্যকৰ ঘটনা। কাকৰিপাৰাৰ পৰা একেলগে নিৰুদ্দেশ হৈছে তিনিটাকৈ শিশু। নিৰুদ্দিষ্ট শিশুকেইটা মঞ্জু বাবু, আৰিফ মিয়া আৰু আৰ্জিনা বেগম। সম্বন্ধত আৰিফ মিয়া আৰু আৰ্জিনা বেগম ভাতৃ-ভগ্নী। যোৱা ১ ফেব্ৰুৱাৰীৰ পৰাই সন্ধানহীন হৈ আছে শিশুকেইটা। বিভিন্ন ঠাইত খা-খবৰ কৰাৰ পাছতো শিশুকেইটাৰ কোনো সন্ধান পোৱা নাই পৰিয়ালৰ লোকে। মানকাচৰ থানাত পৰিয়ালৰ লোকে দাখিল কৰিছে এজাহাৰ। শিশুকেইটাৰ সন্ধানত আৰক্ষীয়ে অব্যাহত ৰাখিছে অনুসন্ধান।