অবৈধ কাৰ্যকলাপৰ বাবে নিতৌ সৰবৰাহকাৰীয়ে ন ন কৌশল অৱলম্বন কৰি আহিছে। এইবাৰ তেনে এক ঘটনা পুনৰ পোহৰলৈ আহিছে। ৪গৰাকী মহিলা আৰু দুজন লোকে ৰে’লেৰে গাঞ্জা সৰবৰাহৰ চেষ্টা কৰিছিল।
প্ৰায় ১৮.৫ কেজি গাঞ্জা হমচফৰ এক্সপ্ৰেছেৰে সৰবৰাহৰ অপচেষ্টা ৪ পুৰুষ-মহিলাৰ। বদৰপুৰ ৰে’লৱে ষ্টেচনত বহিঃৰাজ্যলৈ সৰবৰাহৰ সময়তে ধৰা পৰা চাৰিওজন লোক।
পেটিকোটৰ তলত ভৰিত অতি নিখুঁতভাবে বান্ধি লৈছিল কেইবা কেজি গাঞ্জা। গাঞ্জাখিনি বান্ধি তাৰ ওপৰত পেণ্ট পিন্ধি ওপৰত শাৰী পিন্ধিছিল মহিলাকেইগৰাকীয়ে।
কেৱল শৰীৰতে নহয়, যাত্ৰীকেইজনে বহা ডবাটোৰ পৰাও উদ্ধাৰ হয় গাঞ্জা। একাংশ সৰবৰাহকাৰীয়ে মহিলাৰ সহযোগত আৰম্ভ কৰিছে অবৈধ কাৰ্যকলাপ
ধৃত মহিলাকেইগৰাকীক জেৰা অব্যাহত ৰাখিছে আৰক্ষীয়ে। ইয়াৰ আঁৰত কোন আছে আৰু কোন ঠাইলৈ সৰবৰাহ কৰিছিল তাৰ তদন্ত অব্যাহত ৰাখিছে আৰক্ষীৰ দলে।
