বৃদ্ধি পাইছে সূৰ্য দেৱতাৰ প্ৰকোপ

জুন মাহৰ ১০টা দিন পাৰ হ’ল। লগে লগে বৃদ্ধি পাইছে সূৰ্য দেৱতাৰ প্ৰকোপ। ছাতি নোহোৱাকৈ এতিয়া বাহিৰলৈ ওলাবই নোৱাৰা অৱস্থা। ৰাজ্যজুৰি শিক্ষাৰ্থীৰ হাহাকাৰ অৱস্থা। মঙলবাৰে গুৱাহাটীত তাপমাত্ৰা ৩৭ ডিগ্ৰী ছেলছিয়াছ। অনুভৱ ৫০ ডিগ্ৰী ছেলছিয়াছ। ৰাজ্যৰ আন আন প্ৰধান চহৰ-নগৰতো উষ্ণতা প্ৰায় একেই। এনে পৰিস্থিতিত সন্তানক লৈ চিন্তিত অভিভাৱক। সেয়ে শিক্ষা বিভাগৰ পৰা আহিল নিৰ্দেশনা।গৰমৰ বাবে কামৰূপ (ম)ত বিদ্যালয়ৰ সময়সূচী সলনি। পুৱা ৭.৩০ বজাৰ পৰা ১১.৩০ বজালৈ চলিব প্ৰাথমিক বিদ্যালয়ৰ পাঠদান। ৭.৩০ বজাৰ পৰা ১২ বজালৈ চলিব মাধ্যমিক বিদ্যালয়ৰ পাঠদান। ৭.৩০ বজাৰ পৰা ১২.৩০ বজালৈ হাইস্কুল সমূহৰ পাঠদানৰ সময় নিৰ্ধাৰণ। ১১ জুনৰ পৰা নতুন সময়সূচী নিৰ্ধাৰণ জিলা শিক্ষা বিভাগৰ। ১৬ জুনলৈ অব্যাহত থাকিব এই নিৰ্দেশনা। আন আন জিলা আয়ুক্তকো পৰিস্থিতি পৰ্যবেক্ষণ কৰি সিদ্ধান্ত গ্ৰহণ কৰিবলৈ নিৰ্দেশ শিক্ষা বিভাগৰ। প্ৰয়োজনত সলনি কৰক পাঠদানৰ সময়। বুধবাৰৰ পৰাই কাৰ্যকৰী হব এই নিৰ্দেশ।

সকাহ পাইছে শিক্ষাৰ্থীয়ে। সন্তুষ্ট অভিভাৱকো। যোৱা দুদিনৰ পৰা বৃদ্ধি পাইছে তাপমাত্ৰা। এই তাপমাত্ৰাই শিশু আৰু বয়সস্থ লোকৰ বিশেষকৈ ক্ষতি কৰে। চিকিৎসকৰো বিশেষ পৰামৰ্শ, ‘অতিৰিক্ত পানী খাওক। ঠাণ্ডা পানীৰে গা ধুৱক। ৰ’দত নোলাব। শৰীৰত পোনপটীয়াকৈ পৰাকৈ এ চি নলব।’

জুন মাহ আৰম্ভ হৈছেহে। এতিয়াই ইমান গৰম। শিক্ষা বিভাগৰ সিদ্ধান্তক আদৰি লৈছে সকলোৱে। ল’বলগীয়া যতন লওক। সাৱধানে থাকক।

NKTV Digital
Author: NKTV Digital

Popular

More like this
Related

ইজৰাইলত নতুন চৰকাৰ গঠনৰ তৎপৰতা, নেতানিয়াহুৰ লিকুড পাৰ্টিক আলোচনালৈ আমন্ত্ৰণ গাডি আইজেনকটৰ

ইজৰাইলত নতুন চৰকাৰ গঠনৰ প্ৰক্ৰিয়াক লৈ ৰাজনৈতিক তৎপৰতা বৃদ্ধি...

গুজৰাটৰ কচ্ছত ভয়ংকৰ পথ দুৰ্ঘটনা, একেটা পৰিয়ালৰ তিনি শিশুসহ ৭জনৰ মৃত্যু

গুজৰাটৰ কচ্ছ জিলাত সংঘটিত এক ভয়ংকৰ পথ দুৰ্ঘটনাত তিনিটা...

অপাৰেচন সিন্দূৰৰ সময়ত পাকিস্তানক চীনৰ সমৰ্থন,ভাৰতৰ উত্থান ৰোধৰ কৌশল চীনৰ : আমেৰিকান কমিটী

ভাৰতৰ ক্ৰমবৰ্ধমান শক্তি আৰু আঞ্চলিক প্ৰভাৱ সীমিত কৰাৰ লক্ষ্যৰে...