পুনৰ লতা মংগেশকাৰৰ স্বাস্থ্যৰ অৱনতি। ভাৰতৰত্ন কোকিলকণ্ঠী লতা মংগেশকাৰৰ স্বাস্থ্যৰ পুনৰ অৱনতি ঘটিছে। বৰ্তমান ভেণ্টিলেটৰত ৰখা হৈছে লতা মংগেশকাৰক। ICUত চিকিত্সকৰ দলে প্ৰতি মুহূৰ্ততে নিৰীক্ষণ কৰি আছে লতা মংগেশকাৰক। বৰ্তমান চিকিত্সাধীন হৈ থকা ব্ৰিছকেণ্ডী হাস্পতালৰ চিকিত্সক প্ৰতিত ছামদানিয়ে সদৰি কৰা অনুসৰি লতা মংগেশকাৰৰ অৱস্থা ক্ৰিকিটেল। উল্লেখ্য যে, ৮ জানুৱাৰীৰ পৰাই মুম্বাইৰ ব্ৰেছ কেণ্ডী হাস্পতালত ভৰ্তি হৈ আছে কোকিলকণ্ঠী গায়িকাগৰাকী। কিম্বদন্তী গায়িকাগৰাকীৰ স্বাস্থ্য উন্নত হৈছিল যদিও আজি পুনৰ সংকটজনক হৈ পৰিছে লতা মংগেশকাৰৰ স্বাস্থ্য। দেশজুৰি আৰোগ্য কামনাৰে সকলোৱে প্ৰাৰ্থনা জনাইছে।
