দেশজুৰি অব্যাহত আছে অমিক্ৰনৰ দ্ৰুত সংক্ৰমণ। ইখনৰ পিছত সিখন ৰাজ্যলৈ বিয়পিছে কৰ’নাৰ এই নতুন ভেৰিয়েণ্ট। সোমবাৰে এদিনতে দেশত ১৩৫ জন লোক অমিক্ৰনৰ দ্বাৰা সংক্ৰমিত হয়। ইয়াকে ধৰি দেশত অমিক্ৰন আক্ৰান্তৰ মুঠ লোকৰ সংখ্যাই ৬০০ৰ ঘৰ অতিক্ৰম কৰিলে।
ইপিনে অমিক্ৰন ভেৰিয়েণ্ট দেশৰ বিভিন্ন ৰাজ্যত বিয়পি পৰাৰ সময়তে কেন্দ্ৰীয় চৰকাৰে কিশোৰ–কিশোৰীসকলক ভেকচিন প্ৰদানৰ ব্যৱস্থা গ্ৰহণ কৰিছে। ১৫ৰ পৰা ১৮ বছৰ বয়সৰ ভিতৰৰ কিশোৰ–কিশোৰীক অহা ৩ জানুৱাৰীৰ পৰা ভাৰত বায়’টেকৰ ক’ভাক্সিন প্ৰদান কৰা হ’ব। ইয়াৰ বাবে COWIN এপৰ জৰিয়তে নাম পঞ্জীয়নৰ ব্যৱস্থা গ্ৰহণ কৰিছে।
