কিংবদন্তী গায়িকা লতা মংগেশৰকাৰ ক’ভিডত আক্ৰান্ত। দেহত কৰ’নাৰ অৱস্থিতি ধৰা পৰাৰ পিছতে ৯২ বছৰীয়া কোকিলকণ্ঠী গায়িকা গৰাকীক মুম্বাইৰ ব্ৰীচ কেণ্ডী হাস্পতালত ভৰ্তি কৰোৱা হৈছে। গায়িকাগৰাকীৰ বয়সলৈ লক্ষ্য ৰাখি চিকিৎসকে তেওঁক হাস্পতালৰ IUCত ভৰ্তি কৰায়। অৱশ্যে লতা মংগেশকাৰৰ দেহত ক’ভিডৰ সামান্য লক্ষণহে দেখা পোৱা গৈছে বুলি ভতিজা ৰাস্নাই সংবাদমাধ্যমক জানিবলৈ দিয়ে। ২০১৯ চনৰ নৱেম্বৰতো বুকুৰ বিষত আক্ৰান্ত হোৱা ভাৰতৰত্ন লতা মংগেশকাৰক চিকিৎসাধীন কৰোৱা হৈছিল। দেশজুৰি কোকিলকণ্ঠী গায়িকাগৰাকীৰ আশু আৰোগ্য কামনা কৰিছে অনুৰাগীয়ে।
