অসামৰিক বিমান পৰিবহন মন্ত্ৰালয়ে বুধবাৰে সদৰী কৰা অনুসৰি অচিৰেই ভাৰতে নিয়মীয়া আন্তঃৰাষ্ট্ৰীয় বিমানৰ চলাচল পুনৰ আৰম্ভ কৰিব। এই বৰ্ষৰ শেষৰ ফালে ক’ভিডৰ বাবে বন্ধ হৈ থকা আন্তঃৰাষ্ট্ৰীয় বিমানৰ চলাচল আৰম্ভ কৰা হ’ব বুলি এক ইংগিত দিয়ে অসামৰিক বিমান পৰিবহন মন্ত্ৰী জ্যোতিৰাদিত্য সিন্ধিয়াই।
কেন্দ্ৰীয় অসামৰিক বিমান পৰিবহন মন্ত্ৰালয়ে অহা পাঁচৰ পৰা সাত বছৰৰ ভিতৰত দেশৰ বিমানবন্দৰৰ সংখ্যা দুগুণ কৰি ভাৰতৰ বিমান খণ্ডৰ বৃহৎ সম্প্ৰসাৰণৰ পৰিকল্পনা কৰিছে। অসামৰিক বিমান পৰিবহন মন্ত্ৰী জ্যোতিৰাদিত্য সিন্ধিয়াই এক অনুষ্ঠানত কৈছিল যে তেওঁৰ মন্ত্ৰালয়ে দেশৰ বিমানবন্দৰৰ সংখ্যা ১৩৬ৰ পৰা ২২০ লৈ বৃদ্ধি কৰাৰ লক্ষ্য লৈছে।
