কংগ্ৰেছ প্ৰাৰ্থীৰ হাতত পৰাজিত হোৱাৰ পিছতো পুষ্কৰ সিং ধামিয়েই হ’ব উত্তৰাখণ্ডৰ পৰৱৰ্তী মুখ্যমন্ত্ৰী। বৰ্তমানৰ মুখ্যমন্ত্ৰীগৰাকীকে দলৰ বিধায়িনী গোটৰ নেতা হিচাপে নিৰ্বাচিত কৰা হৈছে। পৰৱৰ্তী ছমাহৰ ভিতৰত অন্য এটা সমষ্টিৰ পৰা নিৰ্বাচনত প্ৰতিদ্বন্দ্বিতাৰ সুযোগ দিব বিজেপিয়ে। অভিলেখ সৃষ্টি কৰি ২০২১ চনৰ জুলাই মাহত সৰ্বকনিষ্ঠ মুখ্যমন্ত্ৰীৰূপে শপতগ্ৰহণ কৰিছিল ধামিয়ে। প্ৰতিৰক্ষামন্ত্ৰী ৰাজনাথ সিঙৰ অতি ঘনিষ্ঠ ৰূপে পৰিচিত ধামি উত্তৰাখণ্ডৰ একাদশগৰাকী মুখ্যমন্ত্ৰী। বিধায়িনী গোটৰ নেতা হিচাপে নিৰ্বাচিত কৰাৰ লগে লগে পুষ্কৰ সিং ধামীয়েই পৰৱৰ্তী কাৰ্যকালৰ পথ প্ৰশস্ত হৈ পৰিল। বুধবাৰে ডেৰাডুনত শপতগ্ৰহণ অনুষ্ঠান।
