ভাৰতৰ প্ৰতিৰক্ষাৰ বাবে অতিকৈ গুৰুত্বপূৰ্ণ নথি সুন্দৰী মহিলাৰে সান্নিধ্যৰ বিনিময়ত পাকিস্তানী চোৰাংচোৱাৰ হাতত অৰ্পণ কৰাৰ অভিযোগত DRDOৰ জ্যেষ্ঠ বিজ্ঞানী পুনেত গ্ৰেপ্তাৰ। জেৰা চলাইছে মহাৰাষ্ট্ৰৰ এণ্টি টেৰ’ৰিষ্ট স্কোৱাডে।
দেশৰ প্ৰতিৰক্ষাৰ বাবে অতিকৈ গুৰুত্বপূৰ্ণ Defence Research & Development Organisation চমুকৈ DRDO
DRDOৰ এজন জ্যেষ্ঠ বিজ্ঞানীক গ্ৰেপ্তাৰ মহাৰাষ্ট্ৰৰ সন্ত্ৰাসবাদ প্ৰতিৰোধ স্কোৱাডৰ
পাক চোৰাংচোৱা সংস্থাৰ হৈ কাম কৰা বুলি বিষয়াজনৰ বিৰুদ্ধে অভিযোগ
পুনেৰ DRDO (Engineers)ৰ সঞ্চালক প্ৰদীপ কুৰুলকাৰ নামৰ এজন ৬০ বছৰীয়া বিজ্ঞানী মহাৰাষ্ট্ৰ আৰক্ষীৰ এণ্টি টেৰ’ৰিষ্ট স্কোৱাডে গ্ৰেপ্তাৰ কৰিছে। বিজ্ঞানীজনৰ বিৰুদ্ধে অভিযোগ তেওঁ পাকিস্তানী চোৰাংচোৱাই পৰিচালনা কৰা হোৱাটছএপ যোগে ভাৰতৰ প্ৰতিৰক্ষাৰ প্ৰতি ভাবুকি হ’ব পৰা তথ্য প্ৰেৰণ কৰিছিল। বহু গুৰুত্বপূৰ্ণ তথ্য তেওঁ গোপনে শত্ৰু দেশখনৰ চোৰাংচোৱাক অৰ্পণ কৰা বুলি তথ্য প্ৰকাশ পাইছিল।
হানীট্ৰেপিঙেৰে জালত পেলোৱা হৈছিল বিজ্ঞানীজনক
সুন্দৰী নাৰীৰ ফটো দি ফচোৱা হৈছিল তেওঁক
১৯৮৮ চনৰ পৰাই DRDOৰ সৈতে জড়িত আছিল বিষয়াজন
DRDOৰ বহু গোপন প্ৰকল্পৰো তেওঁ সঞ্চালক আছিল
এটা গুৰুত্বপূৰ্ণ দায়িত্বত থকা বিজ্ঞানী বিষয়াজনৰ সন্দৰ্ভত DRDOই গোপনে অনুসন্ধান চলাই তথ্য লাভ কৰাৰ পিছত মহাৰাষ্ট্ৰ আৰক্ষীৰ এণ্টি টেৰ’ৰিটষ্টত গোচৰ তৰাৰ পিছত তেওঁক আৰক্ষীয়ে গ্ৰেপ্তাৰ কৰে। সম্প্ৰতি তেওঁ স্কোৱাডৰ বিষয়াই জেৰা চলাই আছে।
