চিত্ৰশিল্পী নীলিম মহন্তক অতি শ্ৰীঘ্ৰে মুক্তিৰ দাবীত অসম অৰুণাচল প্ৰদেশ সীমান্তৰ বান্দৰদেৱাত তীব্ৰ প্ৰতিবাদী কাৰ্যসূচী। অৰুণাচলৰ মুখ্য মন্ত্ৰী প্ৰেমা খাণ্ডুৰ প্ৰতিমূৰ্তি দাহ বান্দৰদেৱাত। অসম অৰুণাচল সীমান্তৰ বান্দৰদেৱাত কৃষক মুক্তি সংগ্ৰাম সমিতি আৰু ছাত্ৰ মুক্তি সংগ্ৰাম সমিতিৰ লখিমপুৰ জিলা সমিতি আৰু কেন্দ্ৰীয় নেতৃত্বৰ সহযোগত প্ৰতিমূৰ্তি দাহ আৰু তীব্ৰ প্ৰতিবাদ সাব্যস্তঃ কৰে। নীলিম মহন্তক শীঘ্ৰে বিনা চৰ্তে মুক্তিৰ দাবি কৃষক মুক্তি সংগ্ৰাম সমিতিৰ।
দুদিন পূৰ্বে লখিমপুৰ আৰক্ষীৰ সহযোগত অৰুণাচল আৰক্ষীয়ে গ্ৰেপ্তাৰ কৰিছিল নীলিম মহন্তক। অৰুণাচল প্ৰদেশৰ সচিবালয়ৰ দেৱালত NO MORE DAMS বুলি চিত্ৰাংকন কৰাৰ পিছতে গ্ৰেপ্তাৰ কৰিছিল নীলিমক। NHPCৰ বৃহৎ নদীবান্ধৰ তীব্ৰ বিৰোধ কৰি চিত্ৰাংকন কৰিছিল নীলিম মহন্তই। অৰুণাচলৰ ঐতিহ্যৰ গৰিমাত আঘাত হনাৰ অভিযোগ। ইতিমধ্যে ৰাজ্যজুৰি প্ৰতিবাদ গঢ়ি উঠিছে।
