উজনিৰ পৰা নামনিলৈ বানৰ সংহাৰ। শদিয়াৰ পৰা ধুবুৰীলৈ প্ৰান্তে প্ৰান্তে বানত ককবকাইছে বানাক্ৰান্ত। ব্ৰহ্মপুত্ৰৰ বাঢ়নি পানীয়ে অসমৰ বিভিন্ন অঞ্চল বিস্তীৰ্ণ কৰিছে। শাওনৰ বলিয়া বানৰ মাজতে বিহালীত বাঘৰ আক্ৰমণত মৃত্যু ঘটিছে এজন লোকৰ। কাজিৰঙাৰ পৰা ওলাই অহা এটা প্ৰকাণ্ড বাঘে লোকজনক আক্ৰমণ কৰে। উল্লেখ্য যে, বুধবাৰৰ পৰা সন্ধানহীন হৈ আছিল মৃত মহম্মদ হুছেইন নামৰ লোকজন। আজি পুৱা হুছেইনৰ মৃতদেহ উদ্ধাৰ কৰে আৰক্ষী আৰু বন বিভাগৰ দলে। মৃতদেহ উদ্ধাৰৰ পিছত শৰীৰত স্পষ্ট ৰূপত দেখা গৈছে বাঘৰ আঁচোৰ। বাঘৰ আক্ৰমণৰ পিছত সমগ্ৰ অঞ্চলটোত বিৰাজ কৰিছে তীব্ৰ আতংকৰ।
