ৰাছিয়াৰ টেলিভিছন চেনেল TV Rain (Dozhd)ৰ সকলো কৰ্মচাৰীয়ে বৃহস্পতিবাৰে “No To War” ঘোষণা কৰি পদত্যাগ কৰে। ৰাছিয়ান চৰকাৰে ইউক্ৰেইন আক্ৰমণৰ কভাৰেজক লৈ চেনেলটোৰ কাৰ্যকলাপ স্থগিত কৰাৰ পিছত এই সিদ্ধান্ত লোৱা হৈছিল।
“আমি আশা কৰোঁ অতি শীঘ্ৰেই আমাৰ সম্প্ৰচাৰ আৰম্ভ হ’ব আৰু আমাৰ কাম অব্যাহত ৰাখিম,” এইদৰে কয় মুখ্য কাৰ্যবাহী বিষয়া নাটালিয়া চিন্দেয়েভা, যি চেনেলটোৰ অন্যতম প্ৰতিষ্ঠাপক।
ষ্টুডিঅ’ত উপস্থিত সকলো কৰ্মচাৰীয়ে ৱাকআউট কৰাৰ সময়ত চেনেলটোৰ অন্তিম সম্প্ৰচাৰত মুখ্য কাৰ্যবাহী বিষয়া চিন্দেয়েভাই “No to war” বুলি কৈছিল।
সমূহীয়া পদত্যাগৰ ভিডিঅ’টো সামাজিক মাধ্যমত ব্যাপকভাৱে শ্বেয়াৰ হৈছে।
