কাছাৰ জিলাৰ সোনাইৰ ৩নং ৱাৰ্ডত নিৰ্বাচনী প্ৰচাৰৰ সময়ত অসম প্ৰদেশ কংগ্ৰেছ কমিটিৰ মুখপাত্ৰ নৈৰিতা জয় শুক্লাক বিজেপিৰ কৰ্মীয়ে আক্ৰমণ কৰাৰ অভিযোগ। লগতে অভিযোগ মৃত্যুৰ ভাবুকি দিয়াৰ।
প্ৰচাৰ চলাই উভতি অহাৰ সময়তে কিছু বিজেপি কৰ্মীয়ে ঘেৰাও কৰিছিল নৈৰিতা জয় শুক্লাক। তেওঁ ‘হৰ হৰ মহাদেৱ’ উচ্চাৰণ কৰি আছিল… কিন্তু তেওঁক ‘জয় শ্ৰী ৰাম’ বুলি ধ্বনি দিবলৈ বাধ্য কৰাইছিল বিজেপি কৰ্মীসকলে। আৰু সুধিছিল যে, তেওঁ হিন্দু হয় নে নহয়। এই সমগ্ৰ ঘটনা সন্দৰ্ভত নৈৰিতা জয় শুক্লাৰ মন্তব্য – তেওঁৰ বৰ্ধিত জনপ্ৰিয়তাই বিপক্ষক চিন্তিত কৰি তুলিছে। তেওঁ আৰু কয় যে, আমি জনতা আৰু কংগ্ৰেছৰ লোকসকলে এই ‘গুণ্ডা’বোৰক ভয় নকৰোঁ, আমি সদায় জনসাধাৰণৰ বাবে যুঁজ দি আহিছো আৰু আমি তেওঁলোকৰ কণ্ঠ সমূহ বলিষ্ঠভাৱে উত্থাপন কৰি যাম।
