বৰেণ্য অসমীয়া চৈয়দ আব্দুল মালিকৰ কালজয়ী উপন্যাস ‘নল বিৰিণা খাগৰী’ৰ ইংৰাজী অনুবাদ ‘Moujuri’ দেওবাৰে উন্মোচন হয়| চান্দমাৰীস্থিত অসম অভিযান্ত্ৰিক মহাবিদ্যালয়ৰ খেলপথাৰত অনুষ্ঠিত হৈ থকা অসম গ্ৰন্থমেলাৰ জোনাকী হলত গ্ৰন্থখন উন্মোচন কৰে সাহিত্য অকাডেমি বঁটা বিজয়ী সাহিত্যিক বিপুল দেউৰীয়ে| পূৰ্বায়ন প্ৰকাশনৰ দ্বাৰা প্ৰকাশিত গ্ৰন্থখন ইংৰাজীলৈ অনুবাদ কৰিছে তন্ময়ী ৰাণী নেওগ আৰু জাহ্নু ভৰদ্বাজে| পঞ্চানন হাজৰিকাৰ দ্বাৰা পৰিচালিত অনুষ্ঠানটোত বিশিষ্ট অতিথি হিচাপে উপস্থিত থাকে কবি, অনুবাদক তথা কটন মহাবিদ্যালয়ৰ প্ৰাক্তন অধ্যাপিকা লুটফা হানুম চালিমা বেগম|
গ্ৰন্থ উন্মোচন অনুষ্ঠানত বিপুল দেউৰী আৰু লুটফা হানুম চালিমা বেগমে অসমৰ সামাজিক আৰু সাহিত্য ক্ষেত্ৰত চৈয়দ আব্দুল মালিকৰ তাত্পৰ্য সম্পৰ্কে বক্তব্য দাঙি ধৰে| ইয়াৰ পাছতে অনুবাদকদ্বয়ে নিজ নিজ অভিজ্ঞতা ব্যক্ত কৰে|
অনুষ্ঠানটোত আব্দুল মালিকৰ পৰিয়ালবৰ্গৰ হৈ তেওঁৰ তিনি কন্যা আৰু জ্যেষ্ঠ জোঁৱাইও উপস্থিত থাকে। উল্লেখযোগ্য যে ১৯০ মূল্যৰ গ্ৰন্থখন পূৰ্বায়ন প্ৰকাশনৰ ষ্টলত উপলব্ধ হৈছে
