কাবুল বোমা বিস্ফোৰণত নিহতৰ সংখ্যা ১০৩লৈ বৃদ্ধি। আহত প্ৰায় ১৪৩জন। কালি বিমানবন্দৰৰ আবে গেটৰ সন্মুখত প্ৰথম আত্মঘাতী বিস্ফোৰণ সংঘটিত হোৱাৰ অলপ পিছতে বেৰন হোটেলৰ সন্মুখত আন এটা বিস্ফোৰণ সংঘটিত হৈছিল। কেইঘণ্টামানৰ পিছত, আৰু দুটা বিস্ফোৰণৰ খবৰ পোৱা গৈছিল। আৰু থিতাতে ৭২জন লোকৰ মৃত্যু হৈছিল। প্ৰতিবেদন অনুসৰি, তৃতীয়টো বিস্ফোৰণ সংঘটিত হৈছিল যেতিয়া তালিবানৰ এখন বাহনে এটা আইইডি বিস্ফোৰকত খুন্দা মাৰিছিল। দূধৰ্ষ সন্ত্ৰাসবাদী সংগঠন ISISয়ে ইতিমধ্যে বিস্ফোৰণৰ দায়িত্ব স্বীকাৰ কৰিছে। লগতে প্ৰকাশ কৰিছে আত্মঘাতী বোমাৰুজনৰ ফটো। ইফালে, তালিবানৰ মুখপাত্ৰ জাবিউল্লাহ মুজাহিদে ঘটনাটোক তীব্ৰ গৰিহণা দিছে।
