IPLৰ অচিলাৰে অসমত অব্যাহত আছে জুৱাৰ আড্ডা। এইবাৰ সোণাৰিত IPLৰ নামত বৃহৎ জুৱাৰ আড্ডা গঢ়ি তোলা ৭ জুৱাৰীক আৰক্ষীয়ে আটক কৰিছে। চফ্ৰাই আৰক্ষীৰ অভিযানত ধৰা পৰিল চৰাইদেউ আৰু যোৰহাট জিলাৰ মৰিয়নীৰ মুঠ ৭জন জুৱাৰী। ইয়াৰে চৰাইদেউ জিলাৰ চাৰিজন আৰু মৰিয়নীৰ ৩ জুৱাৰী। ধৃত যোৰহাট জিলাৰ মৰিয়নীৰ সুৰেন চাহু, অজয় কালিন্দী, ভোগেশ্বৰ ৰাজোৱাৰ আৰু চৰাইদেউ জিলাৰ ফৰিদুল হাজৰিকা, শৰৎ কুৰ্মী, বিশ্বজিৎ দাস আৰু বিকাশ তাঁতী। আটকাধীন জুৱাৰী কেইজনৰ পৰা ৭টা মোবাইল, নগদ ১৯,৭৪০ টকা আৰু AS 03 Z 0815 নম্বৰৰ এখন বিলাসী বাহন জব্দ কৰিছে আৰক্ষীয়ে।
