গুৱাহাটীত আটক অবৈধভাৱে ভাৰতত প্ৰৱেশ কৰা বাংলাদেশী নাগৰিক!

এইবাৰ খোদ গুৱাহাটী মহানগৰীত আটক হ’ল অবৈধভাৱে ভাৰতত প্ৰৱেশ কৰা বাংলাদেশী নাগৰিক। মহানগৰীৰ জাপৰীগোগ অঞ্চলত আটক হোৱা এই বাংলাদেশীজন মহম্মদ চোহেল ৰাণা নামৰ এজন যুৱক।

অঞ্চলটোত ঘূৰি থকা অৱস্থাত যুৱকজনক স্থানীয় ৰাইজে আটক কৰে আৰু পিছত দিছপুৰ থানাৰ আৰক্ষীয়ে লৈ যায়। দুদিন পূৰ্বে ঢাকাৰ পৰা গুৱাহাটীলৈ অহা যুৱকজনৰ পৰা বাংলাদেশী নোট আৰু পৰিচয় পত্ৰও উদ্ধাৰ কৰা হৈছে।