ৰঙৰ উৎসৱ ফাকুৱা। ভিন্নৰঙী আবিৰৰ ৰং, হোলী গীতৰ মূৰ্ছনাৰে ৰাজ্যৰ চৌদিশে উখল–মাখল পৰিৱেশ। আবিৰৰ ৰঙেৰে ৰঙীন হৈ পৰিছে ৰাজ্যৰ আকাশ-বতাহ।
হোলী গীতৰ মূৰ্চনাৰে মুখৰিত হৈ পৰিছে চৌদিশ। ক’ভিড মুক্ত পৰিৱেশত উলহ মালহেৰে হোলী উদযাপন কৰিবলৈ সাজু ৰাজ্যবাসী।
আকাশ-বতাহত মাথো হোলীগীতৰেই গুঞ্জন৷ চৌদিশ জুৰি ধ্বনিত হৈছে কেবল হোলীগীতৰ অমিয়া সুৰ ৷ মন প্ৰাণ হৰি নিয়া হোলীগীতৰ গুঞ্জনত মুখৰিত আকাশ-বতাহ৷
কোকৰাঝাৰৰ চহৰৰ আৱৰ্ত ভৱনৰ সমীপতে আয়োজিত হৈছে বসন্ত উত্সৱ। ৰাষ্ট্ৰীয় স্বয়ংসেৱক সংঘৰ কোকৰাঝাৰ জিলা সমিতিৰ উদ্যোগত অনুষ্ঠিত হৈছে এই অনুষ্ঠান।
সত্ৰনগৰী বৰপেটা, মাজুলী, বটদ্ৰৱাতো দৌল মহোৎসৱক লৈ ব্যাপক উছাহ।
