জুবিনৰ উদাত্ত কণ্ঠ; ড্ৰামাৰৰ ৰূপত হিমা দাস

জুবিন ভক্ত এগৰাকী আন্ত:ৰাষ্ট্ৰীয় পৰ্যায়ৰ দৌৰবিদ। জুবিন গাৰ্গ কেৱল তেওঁৰ প্ৰিয় শিল্পীয়েই নহয়, জুবিন গাৰ্গ তেওঁৰ জীৱনৰ অন্যতম এক আদৰ্শও। জুবিনৰ প্ৰখ্যাত ‘মন যায়’ শীৰ্ষক গীতটোৰ কথাকে সাৰোগত কৰি জীৱনত আগবাঢ়িছে তেওঁ। ট্ৰেকত বিজয়ৰ বহু মুহূৰ্তত চিঞৰি চিঞৰি কৈছে তেওঁ সেই দুটা প্ৰিয় শব্দ– মন যায়। মেগাষ্টাৰ অমিতাভ বচ্চনকো ক’বলৈ বাধ্য কৰাইছে– মন যায়। বিশ্বৰ বিভিন্ন প্ৰান্তত গৌৰৱেৰে, উৎসাহেৰে কৈ গৈছে তেওঁ– মন যায়। হয় আমি কৈছোঁ ধিং এক্সপ্ৰেছ হিমা দাসৰ কথা। সেই হিমা দাসকে এইবাৰ বিহু মঞ্চত তেওঁৰ প্ৰিয় শিল্পী জুবিন গাৰ্গৰ সৈতে দেখা গ’ল এক ব্যতিক্ৰমী ৰূপত।