গুৱাহাটীৰ লোমহৰ্ষক হত্য়াকাণ্ডৰ তদন্ত অব্যাহত আছে। আজি আৰক্ষীয়ে এই লোমহৰ্ষক হত্যাকাণ্ডৰ মূল অভিযুক্ত বন্দনা কলিতা আৰু দুই সহযোগী অৰূপ দাস আৰু ধনটি ডেকাক লগত লৈ নাৰেংগীৰ বোন্দা অঞ্চলত। পুৱাই তিনি অভিযুক্তক নুনমাটি থানাত জেৰা কৰাৰ পিছত চলোৱা হয় এই অভিযান।
অভিযানত বোন্দাজানত উদ্ধাৰ হয় হত্যাকাণ্ডত ব্যবহাৰ কৰা দাখন। এখন বোন্দাৰ সমীপৰ এটা সূতিত আৰক্ষীয়ে উদ্ধাৰ কৰে দাখন। এই দাখনেৰেই অমৰজ্যোতি আৰু শংকৰীক হত্যা কৰি টুকুৰা টুকুৰ কৰিছিল মৃতদেহ।
বন্দনাই পাথৰকোৱেৰীৰ এখন কমাৰৰ দোকানত বনাই আনিছিল এই দাখন। এই লোমহৰ্ষক হত্যাকাণ্ডত ব্যৱহাৰ কৰা দাখন ৩৫০ টকাৰে কিনিছিল বন্দনাই। হত্যাকাণ্ডৰ পিছত মৃতদেহ খণ্ড খণ্ড কৰাৰ পিছতে বোন্দাজান অঞ্চলত পেলাই দিছিল তেজলগা দাখন।
