এশ গৰু মাৰিলে বাঘৰো…দীর্ঘদিনে প্ৰৱঞ্চনা কৰি পলাতক হৈ থকা জয়ন্ত কুমাৰ দাস জালত

মহানগৰীৰ বশিষ্ঠ আৰক্ষীৰ জালত প্ৰৱঞ্চক। দীর্ঘদিনে বাহন সংক্ৰান্তীয় প্ৰবঞ্চনা কৰি পলাতক হৈ আছিল জয়ন্ত কুমাৰ দাস। শেহতীয়াকৈ প্ৰবঞ্চনাৰ বলি হৈ পলাশবাৰীৰ এহাল দম্পতীয়ে বশিষ্ঠ থানাত ৰুজু কৰিছিল এটা গোচৰ। ৪০৬/৪২০/৩৭৯ ধাৰাত ৰুজু হোৱা গোচৰৰ ভিত্তিত বশিষ্ঠ আৰক্ষীৰ এটা দলে ডিমাপুৰৰ পৰা প্ৰৱঞ্চকজনক আটক কৰিবলৈ সক্ষম হয়।


২০১৮ চনত গুৱাহাটীৰ সৰুসজাইত থকা জয়ন্ত কুমাৰ দাসৰ ৰামধুত আৰ্থমুভাৰ্ছ প্ৰাইভেট লিমিটেডৰ পৰা ক্ৰয় কৰিছিল এখন এছকেভেটৰ। পৰৱৰ্তী সময়ত প্ৰবঞ্চকজনে প্ৰতি মাহে ৩ লাখ টকা দিয়াৰ চুক্তিত ভাড়ালৈ লয় এছকেভেটৰখন। তাৰ পিছৰে পৰা আত্মগোপন কৰি আছিল প্ৰবঞ্চকজন।

আনহাতে, সৰুসজাইৰ সেই ডীলাৰটো সম্প্ৰতি বন্ধ কৰি দিছে প্ৰবঞ্চকজনে। বহুকেইটা গাড়ী চুৰি চক্ৰৰ লগতো জড়িত আছে বুলি সন্দেহ আৰক্ষীৰ। ত্ৰিপুৰাৰ এই প্ৰবঞ্চকজনৰ নাগালেণ্ড, ত্ৰিপুৰাতো ডীলাৰ আছে বুলি জানিব পৰা গৈছে। আৰক্ষীয়ে প্ৰবঞ্চকজনক জেৰা অব্যাহত ৰাখিছে।

NKTV Digital
Author: NKTV Digital

Popular

More like this
Related

সাৱধান! এতিয়া কেৱল বয়সস্থ লোকেই নহয়, ১০-১৯ বছৰীয়া কিশোৰ-কিশোৰীৰো হৈছে টাইপ-২ ডায়েবেটিছ

ভাৰতত কম বয়সতে টাইপ-২ ডায়েবেটিছত আক্ৰান্ত হোৱা লোকৰ সংখ্যা...

অমৃতপাল সিঙক পঞ্জাৱলৈ নিয়াৰ বাবে ডিব্ৰুগড় কেন্দ্ৰীয় কাৰাগাৰত উপস্থিত পঞ্জাৱ আৰক্ষীৰ ৫জনীয়া দল

খালিস্তানপন্থী সংগঠন ‘ৱাৰিছ পঞ্জাৱ দে’ৰ মুৰব্বী অমৃতপাল সিঙক পঞ্জাৱলৈ...