আজি শিশু সকলৰ বাবে এটা বিশেষ দিন। পণ্ডিত জৱাহৰলাল নেহৰুৰ জন্ম দিনটোতে দেশজুৰি উলহ মালহেৰে পালন কৰা হয় শিশু দিৱস। কৰ’বাত যদি কেক কাটি কৰ’বাত শিশু সকলৰ মাজত নৃত্য-গীত- আলাপেৰে উদযাপন কৰিছে শিশু সকলৰ এই বিশেষ দিনটো।
কিন্তু তিতাবৰ ষ্টেচন তিনিআলিস্থিত বিয়নড স্মাইলচ ডেণ্টেল কেয়াৰৰ দন্ত চিকিৎসক ভাৰ্গৱ ভাগৱতীয়ে ব্যতিক্ৰমী ৰূপত উদযাপন কৰিছে শিশু দিৱস। ১৪ বছৰৰ তলৰ শিশু সকলক সম্পূৰ্ণ বিনামূলীয়াকৈ দাঁতৰ চিকিৎসা সেৱা প্ৰদান কৰি যোগান ধৰিলে বিনামূলীয়া ঔষধ। আৰু ইয়াৰ লগতে শিশু সকলৰ দাঁতৰ যত্ন লোৱাৰ ওপৰত সজাগতাৰ সৃষ্টি কৰিলে অভিভাৱক সকলৰ মাজত। ইফালে, ইয়াৰ উপৰিও বিগত দুটা বছৰ ধৰি চিকিৎসক ভাৰ্গৱ ভাগৱতীয়ে প্ৰতি মঙলবাৰে ১৪ বছৰৰ তলৰ শিশু সকলৰ দাঁতৰ চিকিৎসা সম্পূৰ্ণ বিনামূলীয়াকৈ কৰি আহিছে।
