হাতীগাঁওস্থিত হোটেল ৰাজ পেলেচত যুৱকৰ ৰহস্যজনক মৃত্যু। হোটেলৰ কোঠাত উদ্ধাৰ ধ্ৰুৱজ্যোতি ডেকা নামৰ এজন যুৱকৰ মৃতদেহ। ফাইনেন্স কোম্পানীত কৰ্মৰত আছিল ধ্ৰুৱজ্যোতি। নিশাৰ ভাগত ৩ যুৱতীৰ সৈতে আহিছিল ৩ জনকৈ যুৱক। যুৱতীৰ সৈতে নৈশ যাপন কৰিবলৈ আহিছিল যুৱকজন। হোটেল ৰাজ পেলেচৰে পেৰাডাইছ ইন বাৰত পাৰ্টী কৰি নিশা কটাইছিল যুৱককেইজনে। যুৱকজনৰ ৰহস্যজনক মৃত্যুৰ পিছতে পলাতক আটাইকেইগৰাকী যুৱতী। যুৱতীৰ ফটো দেখুৱাই এটা দালাল চক্ৰই হোটেললৈ মাতি আনিছিল যুৱককেইজনক। দালাল চক্ৰৰ প্ৰলোভনত যুৱতীৰ সৈতে নৈশ যাপন কৰিবলৈ আহিছিল ৩ যুৱক ক্ৰমে মৃত ধ্ৰুৱজ্যোতি ডেকাসহ দুই বন্ধু দেৱৰাজ আৰু বিকী। হোটেলৰ কোঠাত উদ্ধাৰ নিচাজাতীয় সামগ্ৰী। ঘটনা সন্দৰ্ভত গুৱাহাটী আৰক্ষীৰ তদন্ত আৰম্ভ কৰিছে। দুই বন্ধুৰ লগতে হোটেলখনৰ দুজন কৰ্মচাৰীক সোধা-পোছাৰ বাবে আটক কৰিছে আৰক্ষীয়ে।
