ধেমাজিৰ গাই নৈৰ পাৰত সেউজ বিপ্লৱ। কৃষি কৰ্মৰে আদৰ্শৰ পথ দেখুৱাইছে অৰুণ ভূঞাই। কেৱল লাই পাত বিক্ৰী কৰি আঢ়ৈ লাখ টকা লাভ কৰিছে ধেমাজিৰ গাই নৈৰ পাৰৰ খেতিয়ক অৰুণ ভূঞাই৷ বন্ধাকবি, ফুলকবি, বেঙেনা, জাতি লাওঁ, ৰঙালাও,লাই-লফা পালেং বিক্ৰী কৰি বছৰি আঠ লক্ষাধিক টকা উপাৰ্জন কৰি আৰ্থিকভাৱে টনকিয়াল ধেমাজিৰ সাপেখাতিৰ ভেঞ্চাৰ স্কুলৰ শিক্ষক অৰুণ ভূঞা৷
পত্নী, ভগ্নী আৰু ভাতৃৰ সৈতে গাই নৈৰ পাৰত ৰবি শস্যৰ খেতিৰে স্বাৱলম্বী হোৱা অৰুণ ভূঞাই বাৰ বিঘা মাটিত সৃষ্টি কৰিছে সেউজ বিপ্লৱৰ৷ কৃষি কৰ্মৰে প্ৰকৃতাৰ্থত স্বাৱলম্বী এইগৰাকী কৃষকৰ কৃষিকাৰ্যৰ প্ৰতি নিস্পৃহ ধেমাজিৰ কৃষি বিভাগ৷ কৰ্মসস্থাপনৰ আশাত বহিঃৰাজ্যলৈ ধাপলি মেলা সকলক কৃষিকাৰ্যৰে স্বাৱলম্বী হোৱাৰ আহ্বান খেতিয়ক অৰুণ ভূঞাৰ৷
