অসমৰ ক্ৰীড়াপ্ৰেমীৰ বাবে সুখবৰ। BCCIৰ সচিব পদত দেৱজিৎ শইকীয়া। ভাৰতীয় ক্ৰিকেটৰ সৰ্বোচ্চ সংস্থাটোৰ শীৰ্ষ পদবীত প্ৰথম অসমীয়া। BCCIৰ যুটীয়া সচিবৰূপে কাৰ্যনিৰ্বাহ কৰি আছিল শইকীয়াই। এদিন পূৰ্বে ICCৰ ব’ৰ্ড ডাইৰেক্টৰৰূপে দায়িত্বভাৰ গ্ৰহণ কৰিছে শইকীয়াই। BCCIৰ সচিব জয় শ্বাহৰ স্থলাভিষিক্ত হিচাপে দায়িত্ব লাভ দেৱজিৎ শইকীয়াৰ। অহাবৰ্ষৰ ছেপ্টেম্বৰলৈকে BCCIৰ সচিব পদত থাকিব শইকীয়া। ছেপ্টেম্বৰৰ পিছত পূৰ্ণকালীন সচিব নিযুক্ত হ’ব। অসম ক্ৰিকেট সন্থাৰ প্ৰাক্তন সম্পাদক আছিল শইকীয়া। দেৱজিৎ শইকীয়া আছিল এজন প্ৰথম শ্ৰেণীৰ ক্ৰিকেটাৰ। গুৱাহাটী উচ্চ ন্যায়ালয়ৰ জ্যেষ্ঠ অধিবক্তাৰ লগতে বৰ্তমান অসম চৰকাৰৰ মহাধিবক্তা হিচাপেও দায়িত্ব পালন কৰি আছে তেওঁ। দেৱজিৎ শইকীয়াৰ এই বাতৰিয়ে অসম ক্ৰিকেট সন্থাত আনন্দ কঢ়িয়াই আনিছে। অসংখ্যজনে জনাইছে শুভ কামনা।
