অৱশেষত চীনে চমজাই দিলে অৰুণাচলৰ অপহৃত কিশোৰ মিৰাম টাৰণক। চীনৰ সামৰিক বাহিনী PLAই আজি হস্তান্তৰ কৰে কিশোৰজনক। ১৮ জানুৱাৰীত অপহৃত হৈছিল কিশোৰটি। মিৰাম টাৰণ নামৰ কিশোৰজনক সীমান্তৰ পৰা কৰায়ত্ত কৰিছিল PLA-এ। আজি অৰুণাচল সীমান্তত সেনাক চমজাই দিয়ে মিৰাম টাৰণক। বৰ্তমান চিকিত্সা আৰু স্বাস্থ্য পৰীক্ষাৰ ব্যৱস্থা কৰা হৈছে। NKTVক জনালে কেন্দ্ৰীয় মন্ত্ৰী কিৰেন ৰিজিজুৱে। ১৮ জানুৱাৰীত অপহৃৰণৰ পিছতে ১৯ জানুৱাৰীত টুইটাৰযোগে অৱগত কৰিছিল অৰুণাচল পূবৰ সাংসদ টাপিৰ গাৱে। চৰকাৰৰ বিৰুদ্ধে নিষ্ক্ৰিয়তাৰ অভিযোগ তুলি সমালোচনা কৰিছিল ৰাহুল গান্ধীয়েও। ভাৰত চৰকাৰে মুকলি কৰিবলৈ দাবী জনোৱাৰ পিছতে চীনৰ সঁহাৰি।
