ৰাজ্যিক চলচ্চিত্ৰ বঁটাৰ সৈতে দিয়া চেক বাউন্স হোৱাৰ অভিযোগ

বিতৰ্কই লগ এৰা নাই অসম ৰাজ্যিক চলচ্চিত্ৰ বঁটাক। এইবাৰ ৰাজ্যিক চলচ্চিত্ৰ বঁটাৰ সৈতে দিয়া চেক বাউন্স হোৱাৰ অভিযোগ। বঁটাপ্ৰাপকক সাংস্কৃতিক সঞ্চালকালয়ৰ তৰফৰ পৰা বঁটাৰ ধন চেকযোগে প্ৰদান কৰা হৈছিল। যোৱা দুদিনত চেক জমা দি হতভম্ব হৈ পৰিছে একাংশ বঁটাপ্ৰাপক। একাউণ্টছত ধন নথকাৰ বাবে এই চেক বাউন্স হোৱাৰ বাবে চেক জমা দিয়াসকলে ওলোটাই চেক বাউন্স হোৱাৰ বাবে জৰিমনা ভৰিবলগীয়া হৈছে। ১৩ মাৰ্চত গুৱাহাটীত দুটা বছৰৰ ৰাজ্যিক চলচ্চিত্ৰ বঁটাসমূহ প্ৰদান কৰা হৈছিল। নাহিদ আফ্ৰিনক নোগোৱা এটা গীতৰ বাবে বঁটা প্ৰদান কৰাৰ কথা ঘোষণা কৰি আয়োজকসকল বিতৰ্কত সোমাই পৰিছিল। পৰিস্থিতি এনে পৰ্যায় পায়গৈ যে জুৰী ব’ৰ্ডে ৰাজহুৱাকৈ ক্ষমাও খুজিবলগীয়া হৈছিল। এইবাৰ চিত্ৰ সমালোচনাৰ বাবে পবিত্ৰ কুমাৰ ডেকা স্মাৰক বঁটা লাভ কৰা যুৱ চিত্ৰ সমালোচক অপৰাজিতা পূজাৰীয়ে বঁটাৰ সৈতে পোৱা ২৫ হাজাৰ টকাৰ চেক বেংকত জমা দিয়ে। কিন্তু সঞ্চালকালয়ৰ একাউণ্টছত ধন নথকাৰ বাবে চেক বাউন্স হয়। সাংস্কৃতিক সঞ্চালকালয়ৰ এনে দায়িত্বহীন আৰু অপমানজনক কাৰ্যত চলচ্চিত্ৰ সমালোচকগৰাকী স্তম্ভিত হৈ পৰে।

NKTV Digital
Author: NKTV Digital

Popular

More like this
Related

মাত্ৰ ৩ কিলোমিটাৰৰ ৰে’লযাত্ৰা! ৭ মিনিটতে পাবগৈ গন্তব্যস্থান, ভাৰতৰ আটাইতকৈ চুটি ৰে’লযাত্ৰা

ভাৰতীয় ৰে'লৱেৰ বিশাল নেটৱৰ্কত কোনো ৰে'লযাত্ৰা সম্পূৰ্ণ কৰিবলৈ কেইবাদিনো...

চেণ্ট্ৰেল বেংক অৱ ইণ্ডিয়াৰ গুৱাহাটী জ’নত ২৫০ কোটি টকাৰ ঋণ অনুমোদন

চেণ্ট্ৰেল বেংক অৱ ইণ্ডিয়াই ঋণ প্ৰদানৰ ক্ষেত্ৰত এক উল্লেখযোগ্য...

মাত্ৰ ২০ হাজাৰ টকাতে ১২ দিনত দক্ষিণ ভাৰতৰ ৯টা পৰ্যটনস্থলী ভ্ৰমণৰ সুবিধা IRCTCৰ

দক্ষিণ ভাৰতৰ ঐতিহাসিক মন্দিৰ, তীৰ্থস্থান আৰু মনোমোহা পৰ্যটনস্থলী ভ্ৰমণৰ...