দেশজুৰি IPLক লৈ চৰ্চাৰ মাজতে অসমত ক্ৰিকেটৰ সমান্তৰালভাবে আৰম্ভ হৈছে ফুটবল জ্বৰ। ঐতিহ্যমণ্ডিত বৰদলৈ ট্ৰফী ফুটবল প্ৰতিযোগিতা আৰম্ভ হৈছে। প্ৰথমবাৰলৈ জজ ফিল্ডৰ লগতে কামৰূপৰ কৰৰা মিনি ষ্টেডিয়াম, চিপাঝাৰ আৰু চিৰাং জিলাত একেলগে অনুষ্ঠিত হব মেচ। ৬৮ সংখ্যক এই প্ৰতিযোগিতাৰ খেলসমূহ বৃহস্পতিবাৰৰ পৰা আৰম্ভ হৈছে। কমলপুৰ সমষ্টিৰ বিধায়ক দিগন্ত কলিতাৰ সহযোগত কৰৰা য়ুথ এথলেটিক ক্লাব আৰু গুৱাহাটী ক্ৰীড়া সন্থাৰ উদ্যোগত কৰৰাত অনুষ্ঠিত হোৱা প্ৰতিযোগিতাত অংশগ্ৰহণ কৰে ৪টা দলে। আছাম ৰাইফলছ শ্বিলং, আছাম পুলিচ ব্লু ,দৈমালো ক্লাব ওদালগুৰি আৰু দিল্লী FC দলে অংশগ্ৰহণ কৰে। কৰৰা মিনি ষ্টেডিয়ামত অনুষ্ঠিত তীব্ৰ উত্তেজনাময় তথা ৰোমাঞ্চকৰ খেলখন অনুষ্ঠিত হয় আচম ৰাইফলছ শ্বিলং আৰু দৈমালু ক্লাব ওদালগুৰি ফুটবল দলৰ মাজত। নিৰ্ধাৰণ সময়ত গলশূন্যভাবে ড্ৰ হয় এই খেলখন।
