১২০খন চৰকাৰী চাকৰিৰ বাবে আবেদন; তিনিখন ‘বুক অৱ ৰেকৰ্ডছ’ত নাম দীপজ্যোতিৰ

আমগুৰিৰ এগৰাকী যুৱকৰ অধ্যৱসায় আৰু নেৰানেপেৰা প্ৰচেষ্টাই লাভ কৰিছে বিশেষ স্বীকৃতি। শিৱসাগৰৰ কালুগাঁও খেমদৈ কাকতি গাঁৱৰ দীপজ্যোতি কাকতিয়ে ২০১৯ চনৰ পৰা ২০২১ চনৰ ভিতৰত মুঠ ১২০খন চৰকাৰী চাকৰিৰ বাবে আবেদন কৰি তিনিখনকৈ ‘বুক অৱ ৰেকৰ্ডছ’ত নিজৰ নাম অন্তৰ্ভুক্ত কৰিবলৈ সক্ষম হৈছে।

দীপজ্যোতি কাকতিৰ নাম Assam Book of Records, National Book of Records আৰু India Book of Recordsত অন্তৰ্ভুক্ত হৈছে। ১২০খন চৰকাৰী চাকৰিৰ বাবে আবেদন কৰাৰ পাছত তেওঁ তিনিখন চাকৰিৰ নিযুক্তিপত্ৰ লাভ কৰে। ইয়াৰে দুটা চাকৰিৰ পৰা পিছত ইস্তফা দি বৰ্তমান নিজৰ পছন্দৰ চাকৰিত যোগদান কৰিছে।

চৰকাৰী চাকৰিৰ আশাত অসংখ্য প্ৰতিযোগিতামূলক পৰীক্ষাত অৱতীৰ্ণ হৈ কেইবাবাৰো বিফল হোৱাৰ পাছতো হাৰ মনা নাছিল দীপজ্যোতিয়ে। তেওঁৰ এই নেৰানেপেৰা চেষ্টা, ধৈৰ্য আৰু অধ্যৱসায়ে এতিয়া আন বহু শিক্ষিত নিবনুৱা যুৱক-যুৱতীৰ বাবেও প্ৰেৰণাৰ উৎস হৈ পৰিছে।

দীপজ্যোতিৰ এই ব্যতিক্ৰমী সাফল্যই প্ৰমাণ কৰিছে যে বিফলতাই লক্ষ্যত উপনীত হোৱাৰ পথ ৰুদ্ধ কৰিব নোৱাৰে, যদি থাকে অবিৰত চেষ্টা আৰু দৃঢ় সংকল্প।

NKTV Digital
Author: NKTV Digital

Popular

More like this
Related

ইজৰাইলত নতুন চৰকাৰ গঠনৰ তৎপৰতা, নেতানিয়াহুৰ লিকুড পাৰ্টিক আলোচনালৈ আমন্ত্ৰণ গাডি আইজেনকটৰ

ইজৰাইলত নতুন চৰকাৰ গঠনৰ প্ৰক্ৰিয়াক লৈ ৰাজনৈতিক তৎপৰতা বৃদ্ধি...

গুজৰাটৰ কচ্ছত ভয়ংকৰ পথ দুৰ্ঘটনা, একেটা পৰিয়ালৰ তিনি শিশুসহ ৭জনৰ মৃত্যু

গুজৰাটৰ কচ্ছ জিলাত সংঘটিত এক ভয়ংকৰ পথ দুৰ্ঘটনাত তিনিটা...

অপাৰেচন সিন্দূৰৰ সময়ত পাকিস্তানক চীনৰ সমৰ্থন,ভাৰতৰ উত্থান ৰোধৰ কৌশল চীনৰ : আমেৰিকান কমিটী

ভাৰতৰ ক্ৰমবৰ্ধমান শক্তি আৰু আঞ্চলিক প্ৰভাৱ সীমিত কৰাৰ লক্ষ্যৰে...