শেহতীয়াভাবে ইজনৰ পিছত সিজন যুৱকে যোগ দিছে আলফা(স্বাঃ)ত এইবাৰ বৰপেটাৰ ধনজিৎ দাসৰ আলফা(স্বাঃ)ত যোগদান ৷ বৰপেটাৰ গান্ধী নগৰৰ বাসিন্দা ধনজিৎ দাসৰ আলফা(স্বাঃ)ত যোগদানক লৈ হাহাকাৰ ৷ পত্নীৰ সৈতে আছে ধনজিৎ দাসৰ ৪ বছৰীয়া সন্তান৷ পত্নী আৰু ল’ৰাক এৰি থৈ কি কাৰণত আলফা(স্বাঃ)ত যোগদান কৰিলে তাক লৈ পত্নীৰ চকুত চকুপানী ৷ ঘৰুৱা আৰ্থিক অৱস্থা অতিকে বেয়া পৰিয়ালটোৰ৷ বৰপেটা চহৰৰ এখন কাপোৰৰ দোকানত থাকি পৰিয়াল পোহপাল দি আছিল ধনজিৎ দাসে ৷ ৪ বছৰীয়া ল’ৰা সন্তানটোৰ অসুস্থতাৰ বাবে বিগত প্ৰায় ডেৰমাহমান ধনজিৎ দাসৰ পত্নীয়ে পিতৃৰ ঘৰত আছিলগৈ ৷ প্ৰতি দেওবাৰে শহুৰেকৰ ঘৰলৈ গৈ খবৰ লৈ আহে পত্নী আৰু ল’ৰাৰ ৷ কিন্তু বৰপেটাৰ দৌল মহোৎসৱৰ পিচদিনাৰ পৰাই পত্নীৰ সৈতে কোনো ধৰণৰ যোগাযোগ নাই যুৱকজনৰ ৷ স্বামীক ঘৰলৈ ওভতাই পঠিয়াবলৈ কাতৰ আহ্বান পত্নীৰ।
