জঘন্য, পাশৱিক, অমানৱীয়! ৰাজ্যত পুনৰ এচিড আক্ৰমণৰ ঘটনা। ৩০ নৱেম্বৰত হাজোৰ হাবলাখাত সংঘটিত হৈছিল গাৰ নোম শিয়ৰি উঠা ঘটনাটো। প্ৰেমৰ প্ৰস্তাৱ নাকচ কৰাৰ বাবেই অষ্টম শ্ৰেণীৰ ছাত্ৰীক এচিড আক্ৰমণ কৰিলে ছামিনুল আলী নামৰ নৰপিশাচটোৱে। আইতাকৰ ঘৰৰ পৰা ঘৰলৈ আহি থকা অৱস্থাতে সংঘটিত হৈছিল এচিড আক্ৰমণৰ ঘটনা। সম্প্ৰতি কেন্দ্ৰীয় কাৰাগাৰত ছামিনুল আলী। আনফালে অতি সংকটজনক অৱস্থাত GMCHত চিকিৎসাধীন হৈ আছে কিশোৰীগৰাকী। এচিড আক্ৰমণত ৭০/৮০ শতাংশ দেহ জ্বলিছে কিশোৰীগৰাকীৰ। পৰিয়ালৰ দাবী চৰকাৰে উচিত শাস্তি দিয়ক অভিযুক্ত ছামিনুলক।
