তালিবানক সমৰ্থন কৰি দৰঙত গ্ৰেপ্তাৰ হ’ল মৌলানা ফজুল কৰিম। কাছিমিয়ে সামাজিক মাধ্যমযোগে তালিবানৰ সমৰ্থনত পোষ্ট কৰা পৰিলক্ষিত হৈছিল। জমিয়ত অসমৰ ৰাজ্যিক সমিতিৰ সাধাৰণ সম্পাদকৰ লগতে AIUDFৰ সাধাৰণ সম্পাদকৰ দায়িত্বত আছিল মৌলানা ফজুল কৰিম। মঙলদৈ আৰক্ষীয়ে বৰ্তমান ফজুল কৰিমক সোধা পোছা অব্যাহত ৰাখিছে।
আনহাতে, তেজপুৰ চিকিৎসা মহাবিদ্যালয়ৰ MBBSৰ তৃতীয় বৰ্ষৰ ছাত্ৰ নাডিম আখটাৰক শুকুৰবাৰে হাইলাকান্দি জিলাৰ নিজা বাসগৃহৰ পৰা অসম আৰক্ষীয়ে গ্ৰেপ্তাৰ কৰিছে। ইতিমধ্যে, হাইলাকান্দি থানাত পঞ্জীয়নভূক্ত গোচৰৰ বিপৰীতে ধৃত নাডিমৰ ওপৰত তদন্ত আৰম্ভ কৰিছে বুলি শোণিতপুৰৰ আৰক্ষী অধীক্ষক ধনঞ্জয় ঘনাৱটে আজি সাংবাদিকৰ আগত সদৰি কৰিছে।
