অসমবাসীৰ বাবে সুখবৰ। বন্ধ নহয় গুৱাহাটী অনাতাঁৰ কেন্দ্ৰৰ ‘মিডিয়াম ৱেভ’ সেৱা। ‘মিডিয়াম ৱেভ’ সেৱা বন্ধ ৰখাৰ সিদ্ধান্ত স্থগিত ৰখা হৈছে। প্ৰচাৰ ভাৰতীৰ কৰ্তপক্ষই দিলে এই নিৰ্দেশ। আকাশবাণী গুৱাহাটীলৈ আহিল দিল্লীৰ চিঠি। শেহতীয়াকৈ প্ৰচাৰ ভাৰতীয়ে ‘মিডিয়াম ৱেভ’ বন্ধ কৰাৰ সিদ্ধান্ত লোৱাক লৈ ৰাজ্যজুৰি সৃষ্টি হৈছিল তীব্ৰ প্ৰতিক্ৰিয়াৰ। NKTVটো এই বিষয়ে সম্প্ৰচাৰ হৈছিল ধাৰাবাহিক বাতৰি। তাৰপিছতেই প্ৰচাৰ ভাৰতীৰ পত্ৰত এতিয়া স্বস্তিৰ নিঃশ্বাস এৰিছে গুৱাহাটী আকাশবাণীৰ অংশকালীন ঘোষক-ঘোষিকাৰ লগতে ৰাজ্যৰ নিয়মীয়া ৰেডিঅ’ শ্ৰোতাসকলে।
